ايفوت العام كأنه شهر

إيام الدهر ماهم دايمات

ايموجو كيف موجات البحر

ووقت ايّولو في همّ وكدر

وهذا شئ مكتوب وقدر

بعد الحلو تجَرع المر

معاهم مايفيدش حدر

قلابات مايرسو فى بر

طول العام ميجيبوا مطر

وين تشوف عينك ماإيسر

ييصيف العام وييباس الشجر

طال العمر والّلا أجله قصر

وديمه الخير يأتي بعد شر

ايفوت العام كأنه شهر

 ماأسرع كيف الوقت مر

كيف الوقت فات

كيف الريح ماهم ثابتات

إيروقوا وقت يبقو صافيات

مايدوموش راهم فانيات

زهاهم ’مر ماهم ناصحات

بنات الدهر ديما خاينات

بيض وسود ماهمش خوات

يضنّوا وقت يبقوا مجدبات

وايدور الحول يبقوا زاهيات

وفيسع يقلبوا مالهم ثبات

وعمر الحي مختوم بممات

ونرجوا الخير في اللي جايات

 ماأسرع كيف الوقت مر