كرسيين للزنتان فى شعبية طرابلس

[mosbah2]

لقد تحصل ابنا الزنتان على موقعين بمؤتمر شعبية طرابلس وهو انجاز عظيم يظاف الى انجازات والى تاريخ هذه القبيلة العريقة
لقد تم تصعيد الاخ:مصطفى محمد غريبى امينا لشؤون اللجان بشعبية طرابلس
والاخ:الصادق رمضان الكيلانى امينا لشؤون النقابات بالشعبية
وهو نجاح باهر واكثر من باهر حيث الصراع على اشده فى هذه الشعبية بين جميع الاطراف وتتفوق الزنتان بهذه النتيجة
بارك الله فى شباب الزنتان الذين دائما بالموعد يقولون نحن هنا ..اتبتو الجدارة وتحصلو على الصدارة

[london_alzentan2010]

مشـــــــــــاء الله تبارك الله ربي ايزيد ويبارك

دزيري انت قريب غادي خود ملفات الاعضاء اكلهم ورفعهملم سلم خويا قلهم ديرونا حل

ارفع امعاك حتى البنات ضمهم اوركبهم من تالي في عكاري 504 او خليهم امنتشات باش يصخفوا عليهم قلهم هدولا عطلات على العمل او ديرولهم حل..

فرصة مدام زنتانك تمكنوا معاش نلقوها ههههههههههههه

الله ايبارك فيك على الخبر ياخوي مصباح او زيد منهم راهي هل الاخبار تطرب القلب. وانشالله ديمة الزنتان الاولة.

[Ben Jalghum]

نبى نفهم حاجة ؟ شن حيكون دورهم الاثنين وماهى الفائدة التى ستعود للزنتان ؟

[Omran]

نتمنى لهم النجاح والتقدم

[المتوكل]

مبارك عليهم الكراسي انشاءالله احصلوا حاجة لرواحهم

[mosbah2]

هو مش المهم انهم يحصلوا حاجة ولا يعطو حاجة...المهم جدا هو اثبات وجود لهذه القبيلة فى العاصمة الليبية ..واقل فايدة انك لما تجى لمبنى شعبية طرابلس تدخل راسك مرفوع لان عندك زوز تريس ان شالله حتى تاخد طاسة شاهى وتطلع ..وبعدين كان فيه فايدة ومشروعة شرعا وقانونا ما اضنش انهم بيقصرو لكان يخدموا حتى زنتانى واحد هذه فايدة

[omranahsy]

حيث الصراع على اشده فى هذه الشعبية بين جميع الاطراف

هنا مربط الفرس ...

[المتوكل]

انشاءالله مايخيبوش ضناء فيهم

[ادغيبيج]

مبروك وربي يوفقهم ويعطوا امثولة حسنة عن شباب الزنتان وهم اهل لدلك

[snowman]

السلام عليكم
ان شاء الله بس ايكونوا من ابناء الزنتان الصالحين ويقدموا خدمات لابناءالزنتان العظمى وما ايطنشوش روسهم علينا بس